أنا غير التواضع عزّ مالي ولا مرّة فضلت عالشعر مالي
مالي المنبر بهيبة صمودي وفضا الإلهام بالأشعار مالي
أنا من وهرتي مسيج حدودي من المتن الشمالي لبعد مالي
وعلى جبال السعي رافع بنودي وقواس النّصر صارت حلالي
أنا مابينكر المنبر جهودي وبأخصام الشعر مني مبالي
ويللي تنكّرو لهيبة وعودي مش رح يخطرو مرّة عبالي
أنا شمالي حكاية بحر وجودي ويميني ما بتفرق عن شمالي
وعندما رّبنا قرّر وجودي توّجني ملك فوق المنابر
وربّ الشعر بالمتن الشمالي
_________________
ودّعتك وصارو عيوني ينبعو وصار قلبي وقلب قلبي يوجعو
قالو قلي انسى وقلبك ودّعو لا تعاتبوا ولا تلوم يللي مضيّعو
عندك لفي ما قدرت مرة رجّعو ما حسّ عاد هوّي رجع ع مرجعو
يارجّعيلي القلب تَ روحي تعود يابتاخذيني لعندك وإنكن معو