يا بواب البيت العتيق
خشابك حَنُّو عل حيطان
شباك مطّل عَ الطريق
والتاني ناطر زعلان
من مداميكك وقعو حجار
ل عشب مسكَّر باب الدار
وصار مارق ميّة نوار
وبابك مقّفل ضجران
يَ صحاب البيت طُلو
التوتي بدها سقايي
عصافير الدار فَلو
عل حَيط كان في مرايي
تستقبل ل جايي
يا ضيوف للصبح ضَلو
يَ بيت طراح الصوت
واطمَّن ع أحبابك
قلن النطرا مَوت
يَ بيت دقدق ع بوابن
بركي برم دولابن
ومش رح يبرم دولابك
